Kabhi kabhi kuch tasveerein aapke saath rehte rehte badi ho jati hai. Agar vo tasveer, tasveer na hokar ek aisa vyakti hota jiske saath aap aaj bhi baithkar har shaam chai peete hain, toh who shaayad abhi bhi utni hi hoti. Phir ek vaqt aata hai, ki who tasveer itni badi ho jaati hai, ki ghar mein har bulaye- binbulaaye mehmaan ki nazar sabse pehle ussi par padti hai. Aap chaahe ya na chaahe who pooch hi lete hai… yeh kya hai? kya haal banaa kar rakha hai?
Maine bhi ek aisi hi tasveer apne ghar ke drawing room ke beecho beech sajaa kar rakhi thi. Main keh sakti hoon, ki yeh mere zindagi ki sabse sunder, sabse adbhoot tasveer rahi hai. Best days of my life.Par ab sochti hoon ki, issey main ek sandook mein sambhalkar rakh doon. Uss din, maine apne sandook mein uss tasveer ko daalne ki koshish ki. Par woh uss sandook mein jaa hi na paayi, jaise shaayad main tumhaari zindagi mein kabhi sama hi naa payi…
Pata hi nahi ki who tasveer utni badi ho gayi, yaa mera sandook chota...
- From my play 'Mrignaini', August 2008
Subscribe to:
Post Comments (Atom)
Bahut achchha Manasi. Tum ek sadhe hue Hindi lekhak ki tarah likhti ho, jo uttar Bharateey bhi lagta hai. Keep me posted with news.
ReplyDeleteVery well written !!
ReplyDeleteThank you Arun Uncle and Pranav :)
ReplyDelete.... nice..
ReplyDelete